A mund të bashkëjetojnë feminizmi dhe feja?

“Vajza dhe Zota” është një udhëtim i guximshëm, udhëhequr nga Inna Shevchenko — autorja dhe nismëtarja e projektit — për të hulumtuar pikërisht këtë pyetje. Dikur e njohur për udhëheqjen e protestave gjoks-zhveshur të organizatës FEMEN-it kundër strukturave patriarkale të pushtetit, Shevchenko tashmë zëvendëson protestën me dialogun, duke angazhuar priftërinj, imamë, rabinë, teologë dhe aktivistë të tjerë në biseda të sinqerta. Së bashku, ato përballen me ndarjen midis të drejtave të grave dhe traditës fetare, duke ngritur pyetjen nëse munden besimet e lashta ta bëjnë barazinë gjinore pjesë të tyren dhe nëse feminizmi mund të gjejë një vend brenda sallave të shenjta.

Me regji nga Arash T. Riahi dhe Verena Soltiz, “Vajza dhe Zota” është më shumë sesa një film vizualisht mbresëlënës - është një rrëfim i krijuar me mjeshtëri që sfidon traditat dhe hierarkitë e vjetra. Regjisoret ndërthurin një udhëtim bindës dhe provokues, duke ftuar publikun të imagjinojë sërish ikonografinë e shenjtë përmes një lente feministe dhe të transformojë simbolet e besimit në vizione të fuqishme të fuqizimit të grave. Rezultati është një dokumentar i qasshëm, por provokues, që fton shikuesit të dëshmojnë një transformim të tillë, që mund të riformësojë marrëdhënien midis besimit dhe feminizmit.