Edhe pse një student i ndrojtur i vitit të parë në kolegj, Nathan Law, zbulon se ka një identitet në aktivizëm. Duke qenë një nga organizatorët e një greve studentore që kërkon që Hong Kongut t’i lejohet të zgjedhë udhëheqësin e vet (diçka e premtuar në vitin 1998), Nathan është në krye të bojkotit studentor prej pesë ditëve me një mesazh mosbindjeje civile paqësore. Kur greva befas shndërrohet në Revolucionin e Çadrave, Nathan futet papritur në një rol udhëheqës që mbyll Hong Kongun për 79 ditë dhe tërheq vëmendjen e botës.
Kur lëvizja lëkundet, Nathan akuzohet për rolin e tij në Revolucionin e Çadrave, por i gjithë brezi i tij në Hong Kong është zgjuar tashmë. Duke u ngritur mbi entuziazmin e lëvizjes studentore që ai ndihmoi të shpërthejë, Nathan bën kalimin e pabesueshëm, nga udhëheqësi i protestës, në zyrtar të zgjedhur, duke u bërë ligjvënësi më i ri në historinë e Hong Kongut, ku ai vazhdon luftën e tij për demokraci nga brenda qeverisë.
Nga frika se mesazhi i Nathan-it do të tërheqë vëmendje përtej studentëve, qeveria e skualifikon Nathan-in për një çështje teknikaliteti dhe e dërgon atë në burg. Teksa Hong Kongu vazhdon të shohë sesi i gërryhet liria, një lëvizje e re, nis e zë fill. Ndërkohë që Revolucioni i Çadrave u vu në lëvizje nga shpresa, kjo lëvizje e re po nxitet nga dëshpërimi. Mesazhi i mosbindjes civile të Nathan-it është lënë në hije nga një brez i ri protestuesish që nuk mendojnë më se Hong Kongu mund të shpëtohet nga demonstratat paqësore. Në kohën kur Hong Kong-u po zbret në krizën më të madhe politike që ka njohur historia moderne kineze, Nathan duhet të vendosë për rolin që do të luaj dhe të ardhmen e tij.
Një portret i mrekullueshëm i guximit, qëndrueshmërisë dhe idealizmit rinor, KUSH KA FRIKË NGA NATHAN LAW? tregon se si një i ri e lë peng të ardhmen e tij në përpjekje për të shpëtuar atdheun e vet.
