Filmi ka për objektiv që të rikthejë konceptin e lirisë si mision jetësor në kohë të egra, kur çdo i treti banor i Kosovës kishte kaluar nëpër burgje. Dimensioni i burgut të Prishtinës, tani i shndërruar në muze, ka për qëllim, jo veç rikthimin e mbamendjes historike, por synon krijimin e një metafore universale për njeriun me trup të burgosur e mendje të lirë. Nëpër qelitë e ftohta të burgut, dikur ishin krijuar vargje poezish që sot dëshmojnë për fatet e njerëzve të shndërruar në hije të shlyera. Filmi “Burgu me Dyer të hapura” është një narrativë për njeriun që pjesën e rinisë e ka kaluar në burg i robëruar, dhe tani në Kohën tonë, ai është rikthyer vullnetarisht për t’i shërbyer misionit të rinisë – lirisë, për të dëshmuar për jetët e humbura dhunshëm që nuk u gjykuan kurrë.
Pasuar nga një seancë pyetje - përgjigje me regjizorin.