Në shtator të vitit 1998, ndërsa lufta në Kosovë po ndizet dhe rritet furishëm, gazetari britanik Julius Strauss takon pesë-vjeçarin Besnik Deliu, i cili sapo ka shpëtuar nga një masakër ku kanë mbetur të vrarë 23 anëtarë të familjes së tij. Julius krijon afërsi me Besnikun dhe e viziton rregullisht duke i sjellë ushqim, lodra dhe një psikolog fëmijësh. Ai i blen një biçikletë. Më shumë se 20 vjet më pas, ata kanë humbur kontaktin dhe Julius jeton në humbëtirën kanadeze, ku është larguar në kërkim të paqes pas vitesh të tëra raportimi nga vijat e frontit nëpër botë. Ai merr një mesazh nga Besniku duke i kërkuar të takohen sërish. Juliusi kthehet në Kosovë dhe ata shkojnë të vizitojnë vendin e masakrës ku më në fund mësojnë të vërtetën e plotë rreth asaj që ndodhi në atë ditë të tmerrshme.

Programi ‘Good morning Human Rights’ – Shfaqje për nxënësit e shkollave të mesme – Organizuar në bashkëpunim me Ministrinë e Arsimit.