“Ura e ngushtë” është një udhëtim që kërkon në shpirtrat e katër njerëzve, të cilët, pas një dhimbjeje të zjarrtë, zbulojnë fuqi që nuk i kanë pasur kurrë më parë. Ne vërejmë me habi sesi Bushra, Rami, Meytal dhe Bassam, gra dhe burra që humbën një fëmijë ose prind në një konflikt të dhunshëm, e shndërrojnë pikëllimin e tyre në një urë pajtimi.Filmi ndjek rrugëtimet e tyre nga trauma shkatërrimtare në aktivizëm të guximshëm. Por historitë e tyre nuk janë vetëm personale. Ata të gjithë i përkasin një lëvizjeje-bazë, të debatueshme, të njerëzve zemërthyer, pjesë të organizatës “Familjet Izraelite, Palestineze në Zi”, të cilët qëndrojnë krah për krah, për t’i dhënë fund dhunës dhe për të ndërtuar një të ardhme të bazuar në dinjitet dhe barazi. Pavarësisht kundërshtimeve të ashpra politike dhe familjare, ata refuzojnë të dorëzohen.