Kontratë 9-Mujore ndjek Zhanën nga Tbilisi, e cila ka qenë herë pas here e pastrehë që kur është larguar nga jetimorja ku është rritur dhe punon si nënë surrogato për të siguruar jetesën për vajzën e saj adoleshente, Elena.

Ndërkohë që shtatzanitë e saj nuk janë temë diskutimi mes saj dhe Elenës, problemet financiare të Zhanës vazhdojnë - dhe ajo është e ekspozuar ndaj agjencive të surrogacisë që veprojnë në hije pa u ndëshkuar, marrëdhënieve të paqëndrueshme me prindërit e ardhshëm, fëmijët e të cilëve ajo i mban, dhe pasigurisë së vazhdueshme të të ardhurave. Pa rregullore të duhura në fuqi, ajo shtyn në ekstrem trupin e saj përmes lindjeve të shumta, duke rënduar dhe vënë në rrezik shëndetin e saj mendor dhe fizik, dhe përfundimisht duke rrezikuar edhe vetë jetën e saj.

Filmi, përmes miqësisë dhjetë-vjeçare të regjisorit me këtë dyshe, eksploron me ndjeshmëri dinamikën në zhvillim të marrëdhënies së tyre nënë e bijë, teksa Elena bëhet e vetëdijshme për punën e nënës së saj dhe ndikimin që kjo punë po sjell tek të dyja ato. “Kontratë 9-Mujore” dëshmon për përvojën dhe pasojat e thella të një pune që shpesh mbetet e padukshme.